Monday, November 8, 2010

Gile Fuzuul The Ahad-E-Vafaa Ke Hote Hue

Ahmad Faraz…

Gile fuzuul the ahad-e-vafaa ke hote hue
So chup rahaa sitam-e-naaravaa ke hote hue

Ye qurbaton mein ajab faasle pade ki mujhe
Hai aashnaa ki talab aashnaa ke hote hue

Vo hilaagar hain jo majbooriyaan shumaar karen
Chiraag hum ne jalaayen havaa ke hote huye

Na kar kissi pe bharosa ke kashtiyaan doobeen
Khuda ke hote huye naakhuda ke hote huye

Kise khabar hai ki kaasaa-ba-dast phirte hain
Bahut se log saron par humaa ke hote hue

'Faraz' aise bhi lamhen kabhi kabhi aaye
Ki dil girifta rahaa dil-rubaa ke hote hue

4 comments:

  1. AnonymousNovember 10, 2010 at 12:34 PM

    Na kar kissi pe bharosa ke kashtiyaan doobeen
    Khuda ke hote huye naakhuda ke hote huye

    WAHHH,wonderful.
    Hey Raj where r u.. naraaz ho kya bhai.?

    AZiM

    ReplyDelete
  2. L o r d R a jNovember 10, 2010 at 2:38 PM

    Hello AzIm,

    Yahin hai dost. Aap kaise hain?
    Naaraaz? Bilkul nahin. Just mood off - in general.

    Hope all is well with you. Take care, dost.

    ReplyDelete
  3. AnonymousNovember 10, 2010 at 3:47 PM

    mood kharab.. in general, hmmm
    'dhoond ujde huye logon me wafa ke moti
    ye khazaane tujhe mumkin hai kharaabon me milen'

    bhai kab mil rahe ho?.. hum bhi to zara wafa ke moti dhoonden :))

    ReplyDelete
  4. L o r d R a jNovember 11, 2010 at 8:38 AM

    Waaah!

    The Eid break, lets catch up. :)

    ReplyDelete