Shakeel Badayuni…
Teri mehfil se uthkar ishq ke maaron pe kya guzari
Mukhaalif ik jahaan tha jaane bechaaron pe kya guzari
Sahar ko rukhsat-e-bimaar-e-furqat dekhne vaalo
Kisi ne ye bhi dekha raat bhar taaron pe kya guzari
Sunaa hai zindagi viraaniyon ne loot li milkar
Na jaane zindagi ke naaz-baradaaron pe kya guzari
Hansi aai to hai bekaif si lekin khuda jaane
Mujhe masruur paakar mere gham-khvaaron pe kya guzari
Aseer-e-gham to jaan dekar rihaai paa gayaa lekin
Kisi ko kya khabar zindaan ki divaaron pe kya guzari
No comments:
Post a Comment