Sunday, April 8, 2012

Teri Talaash Mein Hum Jab Kabhi Nikalte Hain

Hafeez Hoshiarpuri…

Teri talaash mein hum jab kabhi nikalte hain
Ik ajnabi ki tarah raaste badalte hain

Daraaz ho gham-e-hijraan ki haasil-e-hijraan
Vo hauslen hain jo aagosh-e-gham mein palte hain

Ravaa nahin hai gham-e-ishq is qadar bhi garuur
Tere bagair bhi duniya ke kaam chalte hain

Kabhi jo had se badhi un ki yaad to samjhe
Ki unke dil mein bhi kuch val-vale machalte hain

Shab-e-firaaq kuch aisi bhi teeragi to nahin
Kabhi kabhi sar-e-mizgaan charaag jalte hain

Ab un ke gham se bhi mahroom ho na jaayen kabhi
Vo jaante hain ki iss gham se dil bahalte hain

0 Opinions:

Archives