Sunday, October 19, 2014

Kehte Hain Mujhse Ishq Ka Afsaana Chaahiye

Qamar Jalalwi…

Kehte hain mujhse ishq ka afsaana chaahiye 
Rusvai ho gayi tumhen sharmaana chaahiye

Khuddar itni fitrat-e-rindaan naa chaahiye 
Saaqi ye khud kahe tujhe paimaana chaahiye

Aashiq bagair husn-o-javaani fizuul hai 
Jab shamma jal rahi hai tou parvaana chaahiye

Aankhon mein dam ruka hai kisi ke liye zaruur 
Varnaa mariz-e- hijr ko mar jaana chaahiye

Vaada thaa unke raat ke aane ka ae "qamar" 
Ab chaand chhup gayaa unhen aa jaana chaahiye

0 Opinions:

Archives

Followers