Tuesday, October 23, 2012

Vahi Phir Mujhe Yaad Aane Lage Hain

Khumar Barabankvi…

Vahi phir mujhe yaad aane lage hain
Jinhen bhulaane mein zamaane lage hain

Vo hain paas aur yaad aane lage hain
Muhabbat ke hosh ab thikaane lage hain

Sunaa hai humen vo bhulaane lage hain
To kya hum unhen yaad aane lage hain

Hataaye the jo raaste se doston ke
Vo patthar mere ghar mein aane lage hain

Ye kehna tha un se muhabbat hai mujhko
Ye kehne mein mujh ko zamaane lage hain

Qayaamat yaqeenan qarib aa rahi hai
'Khumar' ab to masjid mein jaane lage hain

0 Opinions:

Archives

Followers