Wednesday, November 12, 2008

Jaan-E-Sukuun Aa Bhi Jaa - Tera Hi Intezaar Hai

Yahya Jasdanwalla...

jaan-e-sukuun aa bhi jaa - tera hi intezaar hai
aankhon se ashk hai ravaan - jaan bhi beqaraar hai

hone ko fasl-e-gul bhi hai daavat-e-aish hai magar
apni bahaar ka mujhe aaj bhi intezaar hai

saare sahaare ishq ke - tuut chuke hain hijr mein
ek tumhaari yaad bas - dard ki gham-gusaar hai

ahad-e-vafaa ka aap ke - lutf-o-karam ka aap ke
aur kissi ko ho na ho - mujh ko aitabaar hai

lut gai gham ki aabru - lut chuki dil ki aarzu
'yahya' nigaah-e-lutf ka - phir bhi ummidvaar hai

0 Opinions:

Archives

Followers