Monday, August 29, 2011

Payaam Aaye Hain Uss Yaar-E-Bevafaa Ke Mujhe

Ahmed Faraz…

Payaam aaye hain uss yaar-e-bevafaa ke mujhe
Jise qaraar na aayaa kahin bhulaa ke mujhe

Nashe se kahoon to nahin yaad-e-yaar ka aalam
Ke le udaa hai koi dosh par havaa ke mujhe

Judaaiyaan hon to aisi ki umr bhar na mile
Fareb to do zaraa silsile badaa ke mujhe

Main khud ko bhuul chukaa tha magar jahaan vaale
Udaas chhod gaye aainaa dikhaa ke mujhe

2 Opinions:

Steele said...

vo jo ham me.n tum me.n qaraar thaa - by Momin Khan

vo jo ham me.n tum me.n qaraar thaa tumhe.n yaad ho ke na yaad ho
vahii yaanii vaadaa nibaah kaa tumhe.n yaad ho ke na yaad ho

vo naye gile vo shikaayate.n vo maze maze kii hikaayate.n
vo har ek baat pe ruuThanaa tumhe.n yaad ho ke na yaad ho

ko_ii baat aisii agar hu_ii jo tumhaare jii ko burii lagii
to bayaa.N se pahale hii bhuulanaa tumhe.n yaad ho ke na yaad ho

suno zikr hai ka_ii saal kaa, ko_ii vaadaa mujh se thaa aap kaa
vo nibaahane kaa to zikr kyaa, tumhe.n yaad ho ke na yaad ho

kabhii ham me.n tum me.n bhii chaah thii, kabhii ham se tum se bhii raah thii
kabhii ham bhii tum bhii the aashnaa, tumhe.n yaad ho ke na yaad ho

hue ittefaaq se gar baham, vo vafaa jataane ko dam-ba-dam
gilaa-e-malaamat-e-arqabaa, tumhe.n yaad ho ke na yaad ho

vo jo lutf mujh pe the beshtar, vo karam ke haath mere haath par
mujhe sab hai.n yaad zaraa zaraa, tumhe.n yaad no ki na yaad ho

kabhii baiThe sab hai.n jo ruu-ba-ruu to ishaarato.n hii se guftaguu
vo bayaan shauq kaa baramalaa tumhe.n yaad ho ki na yaad ho

vo biga.Danaa vasl kii raat kaa, vo na maananaa kisii baat kaa
vo nahiii.n nahii.n kii har aan adaa, tumhe.n yaad ho ki na yaad ho

jise aap ginte the aashnaa jise aap kahate the baavafaa
mai.n vahii huu.N "Momin"-e-mubtalaa tumhe.n yaad ho ke na yaad ho


http://www.youtube.com/watch?v=W4dD1_yKP-c

Sung by many, but this rendition by Begum Akhtar may leaves one stunned.



Just had to share


~Steele

L o r d R a j said...

Waaah. Lajawaab!

Hello Steeeele!

How have you been, sir?
Been a while!
Hope all is well with you.

Archives