Thursday, May 31, 2012

Tu Mere Saath Chal Na Paayegi

Shamim Shahabadi…

Tu mere saath chal na paayegi

Jab meri raah teri raah se milti hi nahin
Phir mera saath nibhaane ki zarurat kya hai

Apni maasoom tamannaaon ko rahabar na banaa
Khvaab phir khvaab hain labon ki haqeeqat kya hai

Ye nayi raah tujhe raas nahin aayegi

Main ne maanaa ki tujhe mujh se muhabbat hai magar
Meri gurbat teri chaahat ka silaa kya degi

Apni mahrumi-e-qismat se pareshaan hoon main
Bebasi ashk-e-nadaamat ke sivaa kya degi

Vaqt ki dhuup mein har cheez jhulas jaayegi

0 Opinions:

Archives

Followers