Sunday, August 26, 2012

Koi Yeh Kaise Bataaye Ke Woh Tanha Kyun Hai

Kaifi Azmi…

Koi ye kaise bataaye ke vo tanha kyun hai
Vo jo apna thaa vohi aur kissi ka kyun hai

Yahi duniya hai to phir aisi ye duniya kyun hai
Yahi hota hai to aakhir yahi hota kyun hai

Ek zaraa haath badhaa de to pakad le daaman
Usske seene mein samaa jaaye humaari dhadkan

Itni qurbat hai to phir faasla itna kyun hai…

Dil-e-barbaad se nikla nahin ab tak koi
Ek lute ghar pe diya karta hai dastak koi

Aas jo tuut gayi phir se bandhaata kyun hai…

Tum masarrat ka kaho yaa isse gham ka rishta
Kahte hain pyaar ka rishta hai janam ka rishta

Hai janam ka jo ye rishta to badalta kyun hai…

0 Opinions:

Archives

Followers