Zindagi Tujh Ko Manaane Nikle
Ameer Kazalbash…
Zindagi tujh ko manaane nikle
Hum bhi kis darjaa divaane nikle
Kuchch tou dushman the mukhaalif-saf mein
Kuchch mere dost puraane nikle
Nazar-andaaz kiya hai uss ne
Khud se milne ke bahaane nikle
Be-basaarat hai ye basti yaaro
Aainaa kis ko dikhaane nikle
In andheron mein jiyoge kab tak
Koi to shamaa jalaane nikle
0 Opinions:
Post a Comment