Sunday, May 18, 2014

Aaye Kuchch Abr Kuchch Sharaab Aaye

Faiz Ahmed Faiz…

Aaye kuchch abr kuchch sharaab aaye
Uss ke baad aaye jo azaab aaye

Baam-e-miinaa se mahtaab utare
Dast-e-saaqi mein aaftaab aaye

Har rag-e-khuun mein phir charaagaan ho
Saamne phir wo benaqaab aaye

Umr ke har waraq pe dil ko nazar
Teri meher-o-wafaa ke baab aaye

Kar rahaa tha gham-e-jahaan ka hisaab
Aaj tum yaad behisaab aaye

Na gaii tere gham ki sardaari
Dil mein yuun roz inqalaab aaye

Jal uthe bazm-e-gair ke dar-o-baam
Jab bhi hum khaanma-kharaab aaye

Iss tarah apni khamoshi guunji
Goyaa har simt se jawaab aaye

'Faiz' thi raah sar basar manzil
Hum jahaan pahunche kaamyaab aaye

0 Opinions:

Archives

Followers