Aai na phir nazar kahin jaane kidhar gai

Baqi Siddiqui ...

aai na phir nazar kahin jaane kidhar gai
un tak to saath gardish-e-shaam-o-sahar gai

kuch itna besabaat thaa har jalvaa-e-hayaat
laut aai zakhm khaa ke jidhar bhi nazar gai

aa dekh mujh se ruuthane vaale tere bagair
din bhi guzar gayaa meri shab bhi guzar gai (sigh… if only)

naadim hai apne apne qarinon pe har nazar
duniya lahuu uchchhaal ke kitni nikhar gai