Wednesday, November 18, 2009

Na Jaane Aaj Ye Kis Ka Khayaal Aayaa Hai

Ahmad Hamdani ...

Na jaane aaj ye kis ka khayaal aayaa hai
Khushi ka rang liye har malaal aayaa hai

Vo ek shakhs ki haasil na tha jo khud ko bhi
Mitaa kissi pe to kaisa bahaal aayaa hai

Zubaan pe harf-e-talab bhi nahin koi phir bhi
Nigaah-e-dost mein rang-e-jalaal aayaa hai

Kiya na zikr bhi jiss ka tamaam umr kabhi
Humaare kaam bahut vo malaal aayaa hai

Nahin hai tum se koi dosti bhi ab to magar
Qadam qadam pe ye kaisaa vabaal aayaa hai

0 Opinions:

Archives

Followers