Monday, November 29, 2010

Guzre Dinon Ki Yaad Barasti Ghataa Lage

Qateel Shifai…

Guzre dinon ki yaad barasti ghataa lage
Guzroon jo us gali se to thandi havaa lage

Mehmaan ban ke aaye kisi roz agar vo shakhs
Us roz bin sajaaye mera ghar sajaa lage

Main iss liye manaataa nahin vasl ki khushi
Mere raqib ki na mujhe bad-duaa lage

Vo qahat dosti ka padaa hai ki in dinon
Jo muskuraa ke baat kare aashnaa lage

Tark-e-vafaa ke baad ye us ki adaa 'qateel'
Mujhko sataaye koi to us ko buraa lage

0 Opinions:

Archives