Thursday, February 16, 2012

Tere Pyaar Mein Rusvaa Hokar, Jaayen Kahaan Deewaane Log

Obaidullah Aleem…

Tere pyaar mein rusvaa hokar, jaayen kahaan deewaane log
Jaane kya-kya poochh rahe hain ye jaane pahchaane log

Jaise tumhe humne chaahaa thaa, kaun bhalaa yoon chaahega
Maanaa aur bahut aayenge tum se pyaar jataane log

Kaise dukhon ke mausam aaye, kaisi aag lagi yaaro
Ab sahraaon se laate hain phoolon ke nazraane log

Kal maatam beqimat hoga, aaj inki tauqir karo
Dekho khoon-e-jigar se kya-kya likhte hain afsaane log

Jaante hain ye ishq musalsal rog hai aah-o-zaari ka
Phir bhi uske kuche mein jaate hain umr gavaane log

0 Opinions:

Archives

Followers