Sunday, December 15, 2013

Baiqaraar Kar Ke Hume Yu Na Jaayiye…

Shakeel Badayuni…

Baiqaraar kar ke hume yu na jaayiye, aapko humari kasam laut aayiye

Dekhiye woh kaali-kaali badliyaan, zulf ki ghataa churaa na le kahin
Chori-chori aake shokh bijliyaan, aapki adaa churaa na le kahin
Yu kadam akele naa aage badhayiye, aapko humari kasam laut aayiye

Dekhiye gulab ki woh daaliyaan, badh ke choom le na aap ke kadam
Khoye-khoye bhanwre bhi hain baagh mein, koi aapko bana na le sanam
Behki-behki nazaron se khud ko bachaiye, aapko humari kasam laut aayiye

Zindagi ke raste ajeeb hain, inn mein iss tarah chalaa na kijiye
Khair hai issi mein aapki huzoor, apna koi sathi dhund lijiye
Sunke dil ki baat yun na muskuraiye, aapko humari kasam laut aayiye

0 Opinions:

Archives

Followers