Tuesday, April 21, 2015

Ab Vahi Harf-E-Junuun Sab Ki Zubaan Thahari Hai

Faiz…

Ab vahi harf-e-junoon sab ki zubaan thahri hai 
Jo bhi chal nikli hai vo baat kahaan thahri hai

Aaj tak shaikh ke ikaraam mein jo shai thi haraam 
Ab vahi dushman-e-din raahat-e-jaan thahri hai

Hai khabar garm ke phirta hai gurezaan naaseh 
Guftaguu aaj sar-e-kuu-e-butaan thahri hai

Hai vahi aariz-e-lailaa vahi shirian ka dahan 
Nigaah-e-shauq ghadi bhar ko yahaan thahri hai

Vasl ki shab thi tou kis darjaa subak guzari hai 
Hijr ki shab hai tou kya sakht giraan thahri hai

Bikhari ek baar tou haath aai kab mauj-e-shamim 
Dil se nikli hai tou kab lab pe fugaan thahri hai

Dast-e-sayyaad bhi aajiz hai kaf-e-gulchin bhi 
Buu-e-gul thahari na bul-bul ki zabaan thahri hai

Aate-aate yuun hi dam bhar ko ruki hogi bahaar 
Jaate-jaate yuun hi pal bhar ko khizaan thahri hai

Hum ne jo tarz-e-fugaan ki hai qafas mein ijaad 
"Faiz" gulshan mein vahi tarz-e-bayaan thahri hai

0 Opinions:

Archives

Followers