Uzr Aane Mein Bhi Hai Aur Bulaate Bhi Nahin

Daag Dehlvi…

Uzr aane mein bhi hai aur bulaate bhi nahin
Baais-e-tark-e-mulaaqaat bataate bhi nahin

Khuub pardaa hai ke chilman se lage baithe hain
Saaf chhupate bhi nahin saamne aate bhi nahin

Ho chukaa qata ta'lluq to jafaayen kyon hon
Jinko matlab nahin rahta wo sataate bhi nahin

Ziist se tang ho ae daag to jeete kyon ho
Jaan pyaari bhi nahin jaan se jaate bhi nahin