Thursday, September 16, 2010

Gham Mujhe, Hasrat Mujhe, Vahshat Mujhe, Saudaa Mujhe

Seemab Akbarabadi…

Gham mujhe, hasrat mujhe, vahshat mujhe, saudaa mujhe 
ek dil deke khudaa ne de diya kya-kya mujhe

Hai husuul-e-aarzu ka raaz tark-e-aarzu 
main ne duniya chhod di to mil gai duniya mujhe

Kah ke soya hoon ye apne iztaraab-e-shauq se 
jab vo aayen qabr par fauran jagaa dena mujhe

Subah tak kya-kya teri ummeed ne taane diye 
aa gayaa tha shaam-e-gham ek neend ka jhonka mujhe

Ye namaaz-e-ishq hai kaisa adab kiska adab 
apne paay-e-namaaz par karne do sajdaa mujh
e

Dekhte hi dekhte duniya se main uth jaauunga 
dekhti ki dekhti rah jaayegi duniya mujhe

2 Opinions:

Anonymous said...

Hai husuul-e-aarzu ka raaz tark-e-aarzu
main ne duniya chhod di to mil gai duniya mujhe

kya baat hai
bahut khoob.

AZiM

L o r d R a j said...

AZiM,

Thanks dost. :D

Kaise hain aap? Sab theek thaak?

Archives

Followers