Tuesday, July 29, 2008

Chhupaaye Dil Mein Ghamon Ka Jahaan Baithe Hain

Sagar Siddiqui...

Chhupaaye dil mein ghamon ka jahaan baithe hain
tumhaari bazm mein hum bezabaan baithe hain

ye aur baat ki manzil pe hum pahunch na sake
magar ye kam hai ki raahon ko chhaan baithe hain

fugaan hai dard hai soz-o-firaaq-o-daag-e-alam
abhi to ghar mein bahut meharbaan baithe hain

ab aur gardish-e-taqadeer kya sataayegi
lutaa ke ishq mein naam-o-nishaan baithe hain

vo ek lafz-e-mohabbat hi dil ka dushman hai
jisse shariat-e-ehasaas maan baithe hain

hai maikadon ki bahaaron se dosti 'sagar'
baraaye had-e-yaqeen-o-gumaan baithe hain

0 Opinions:

Archives

Followers