Thursday, July 31, 2008

Mere Jaise Ban Jaaoge

Saeed Rahi...

Mere jaise ban jaaoge - jab ishq tumhen ho jaayegaa
divaaron se sar takraaoge - jab ishq tumhen ho jaayegaa

har baat gavaaraa kar loge - mannat bhi utaaraa kar loge
taabizen bhi bandhavaaoge - jab ishq tumnhen ho jaayegaa

tanhaai ke jhuule jhuuloge - har baat puraani bhuloge
aaine se tum ghabaraaoge jab ishq tumhen ho jaayegaa

jab suraj bhi kho jaayegaa aur chaand kahin so jaayegaa
tum bhi ghar der se aaoge - jab ishq tumhen ho jaayegaa

bechaini badh jaayegi aur yaad kissi ki aayegi
tum meri ghazalen gaaoge - jab ishq tumhen ho jaayegaa

0 Opinions:

Archives

Followers