Monday, December 29, 2014

Vafa-E-Vaada Nahin, Vaada-E-Digar Bhi Nahin

Faiz…

Vafa-e-vaada nahin, vaada-e-digar bhi nahin
Woh mujhse roothe tou the, lekin is qadar bhi nahin

Baras rahi hai hareem-e-hawas mein daulat-e-husn
Gadaa-e-ishq ke kaase mein ik nazar bhi nahin

Na jaane kis liye ummeedwaar baitha hoon
Ik aisii raah pe jo teri rahguzar bhi nahin

Nigaah-e-shauq sar-e-bazm be-hijaab na ho
Woh be-khabar hi sahi, itne be-khabar bhi nahin

Ye ahd-e-tark-e-mohabbat kis liye aakhir 
Sukoon-e-qalb idhar bhi nahin, udhar bhi nahin

0 Opinions:

Archives

Followers