Sunday, March 29, 2015

Teri Ummeed Tera Intezaar Jab Se Hai

Faiz…

Teri ummeed tera intezaar jab se hai
Na shab ko din se shikaayat na din ko shab se hai

Kissi ka dard ho karte hain tere naam raqam
Gilaa hai jo bhi kissi se teri sabab se hai

Hua hai jab se dil-e-naasabur beqabu
Kalaam tujhse nazar ko badi adab se hai

Agar sharar hai tou bhadke, jo phuul hai tou khile
Tarah-tarah ki talab tere rang-e-lab se hai

Kahaan gaye shab-e-furqat ke jaagne vaale
Sitaaraa-e-sahar hum-kalaam kab se hai

0 Opinions:

Archives