Dil Mein Ab Yuun Tere Bhoole Hue Gham Aate Hain

Faiz...

Dil mein ab yuun tere bhoole hue gham aate hain
Jaise bichchade hue kaabe mein sanam aate hain

Ek-ek karke hue jaate hain taare roshan
Meri manzil ki taraf unke kadam aate hain

Raqs-e-mai tez karo, saaz ki lai tez karo
Soo-e-maikhaana safiran-e-haram aate hain

Kuchch hum hi ko nahin ehsaan uthaane ka dimaag
Woh to jab aate hain mail-ba-karam aate hain

Aur kuchch der na guzre shab-e-furkat se kaho
Dil bhi kam dukhta hai, woh yaad bhi kam aate hain